Շախմատի միջազգային ֆեդերացիան (ՖԻԴԵ) հայտնել է, թե երբ ու որտեղ է կայանալու շախմատի Աշխարհի չեմպիոնի համար մրցավեճը։
Աշխարհի չեմպիոնի տիտղոսի համար հանդիպումը կայանալու է նոյեմբերի 24-ից դեկտեմբերի 16-ը Դուբայում «Էքսպո» ցուցահանդեսի շրջանակում։ Մրցանակային ֆոնդը կազմելու է 2 միլիոն եվրո։
We are very excited to officially announce that the World Chess Championship Match will take place 24 November – 16 December 2021 in Dubai, as a highlight of @expo2020dubai‘s diverse and inspiring calendar. This will be @MagnusCarlsen‘s fifth World Championship Match. pic.twitter.com/aaD3L3m0Lu
— International Chess Federation (@FIDE_chess) January 28, 2021
Հանդիպումը կայանալու է Աշխարհի գործող չեմպիոն Մագնուս Կառլսենի ու հավակնորդների մրցաշարի հաղթողի միջև։ Հավակնորդների մրցաշարը սկսվել էր Եկատերինբուրգում անցած տարի, սակայն դադարեցվել էր կորոնավիրուսի պանդեմիայի պատճառով։ Մրցաշարը կարող է վերսկսվել ապրիլին։ Կառլսենի համար սա 5-րդ մրցավեճն է լինելու Աշխարհի չեմպիոնի կոչման համար։
Հիշեցնենք, որ հավակնորդների մրցաշարում անցկացվել էին առաջին շրջանի բոլոր պարտիաները։ Առաջին տեղը միմյանց հետ կիսում էին ռուս Յան Նեպոմնյաշչին ու ֆրանսիացի Մաքսիմ Վաշիե-Լագրավը (4,5-ական միավոր)։ Նրանց հաջոդում էին ռուս Ալեքսանդր Գրիշչուկը, Նիդերլանդների ներկայացուցիչ Անիշ Գիրին, չինացի Վան Հաոն և ամերիկացի Ֆաբիանո Կարուանան (3,5-ական միավոր)։ Վերջին տեղը կիսում են ռուս Կիրիլ Ալեկսեենկոն ու չինացի Դին Լիժենը (2,5-ական միավոր)։