Նոյեմբերի 5-ին տեղի է ունեցել Հայաստանի ֆուտբոլի ֆեդերացիայի կարգապահական և էթիկայի կոմիտեի հերթական նիստը` ՀՖՖ Կարգապահական և էթիկայի կոմիտեի նախագահ Ռուբեն Սինոյանի նախագահությամբ: Այս մասին տեղեկացնում է ՀՖՖ պաշտոնական կայքը:
Նշվում է, որ «Շիրակ»-«Նոա» (ԲԽ047) խաղին «Շիրակ» ՖԱ-ն չկարողացավ ապահովել հանդիպման պատվիրակի անվտանգությունը։
Որոշում. «Շիրակ»-«Նոա» (ԲԽ047) խաղին՝ «Շիրակ» ՖԱ-ն խաղի ժամանակահատվածում անվտանգության աշխատակիցների և/կամ կարգադրիչների ոչ պատշաճ, թերի աշխատանք կատարելու համար, ՀՖՖ կարգապահական և էթիկայի կանոնակարգի 33-րդ հոդվածի 41-րդ կետի համաձայն` «Շիրակ» ՖԱ-ին տուգանել 200000 ՀՀ դրամի չափով:
Միաժամանակ, ՀՖՖ կարգապահական և էթիկայի կոմիտեն, արդեն իսկ հարուցված վարույթի շրջանակներում գործի լրիվ, օբյեկտիվ և բազմակողմանի քննության նպատակով՝ ամբողջական ուսումնասիրության է ենթարկելու տեղի ունեցած միջադեպը՝ դրանում մասնակցություն ունեցած բոլոր անձանց ներգրավմամբ:
Նիստի ամբողջ արձանագրությունը՝ այստեղ: