«Տոկիո-2020»-ի կազմկոմիտեն որոշել է սեպտեմբերի 1-ից հանրությանը կրկին ներկայացնել օլիմպիական ջահը:
Նախատեսվում է, որ այն կտեղադրվի օլիմպիական թանգարանում, որը գտնվում է ազգային նոր մարզադաշտի հարևանությամբ:
Թանգարանում ցուցադրված են Ճապոնիայում անցկացված երեք օլիմպիական խաղերի նմուշները:
Այցելուների թիվը սահմանափակ կլինի, իսկ տոմսերը պետք է ամրագրել նախապես։
Հիշեցնենք, որ Ճապոնիայի Ֆուկուսիմայում, ջահը կարճ ժամանակ ցուցադրվելուց հետո, կորոնավիրուսի տարածման պատճառով, կազմկոմիտեն որոշեց փակել մուտքը այցելուների համար։ Կրակի գտնվելու վայրը անվտանգության նկատառումներից ելնելով գաղտնի է պահվում։