Բեռլինի «Հերտայի» և Դորտմունդի «Բորուսիայի» ֆուտբոլիստները միացել են #BlackLivesMatter ակցիային («Սևամորթների կյանքերը կարևոր են»)՝ հարգանքի տուրք մատուցելով ԱՄՆ-ում զոհված աֆրոամերիկացի Ջորջ Ֆլոյդի հիշատակը:
«Սիգնալ Իդունա Պարկ» մարզադաշտում կայացած խաղից առաջ երկու թիմերի ֆուտբոլիստները ծնկի են իջել կենտրոնական հատվածում: Լուսանկարը հրապարակվել է «Բորուսիայի» թվիթերթյան էջում:
Nur gemeinsam. #BlackLivesMatter pic.twitter.com/3B49FOAdR2
— Borussia Dortmund (@BVB) June 6, 2020
Ի դեպ, «Բորուսիայի» ֆուտբոլիստները նախավարժանքն անցկացրել են հատուկ շապիկներով՝ «Չկա արդարություն, չկա խաղաղություն», «Սև, սպիտակ, դեղին, կարմիր … մարդ» գրությամբ:
b̶l̶a̶c̶k̶
— Borussia Dortmund (@BVB) June 6, 2020
̶w̶h̶i̶t̶e̶
̶y̶e̶l̶l̶o̶w̶
̶r̶e̶d̶
HUMAN pic.twitter.com/o7jwICHlZX
Հիշեցնենք՝ մայիսի 25-ին ԱՄՆ-ի Մինեապոլիս քաղաքում Ջորջ Ֆլոյդը մահացել է ոստիկանների կողմից իրեն բերման ենթարկելու ժամանակ բռնության կիրառման արդյունքում: Ոստիկաններից մեկը նրան պառկացրել է ասֆալտին՝ ծնկով սեղմելով, ինչը խանգարել է նրան շնչել: Դրանից հետո մասսայական անկարգություններ են տեղի ունենում ԱՄՆ-ի ավելի քան 20 նահանգում, իսկ սոցիալական ցանցերում մարդիկ սկսել են գրառումներ հրապարակել ի աջակցություն աֆրոամերիկացիների՝ #BlackLivesMatter հեշթեգով: