Մյունխենի «Բավարիայի» կիսապաշտպան Կինգսլի Կոմանը հայտնել է, թե ում է համարում աշխարհի լավագույն մարզիչ.
«Ինձ համար Գվարդիոլան է լավագույնը: Նրա օրոք եմ սկսել պարբերաբար խաղալ, չնայած «Յուվենտուսում» անցկացրած հատվածին:
Ինձ նման խաղացողի՝ վինգերի համար, որը սիրում է շատ գրոհել ու հարվածել, նա լավագույնն է, քանի որ անընդհատ պահանջում է այդ դիրքի խաղացողներից:
Նա համակարգ է ստեղծում՝ դարպասապահի դեմ մեն-մենակ դուրս գալու համար, որտեղ կարող ես ամենաշատը փայլել: Նա ինձ չէր ստիպում աշխատել վիճակագրության վրա: Գվարդիոլան տալիս էր հրահանգ՝ վերցնել գնդակը, հարվածել ու գնալ կենտրոն: Ես շատ եմ գնահատում նրան»,-ասել է Կոմանը:
Ֆրանսիացին Գվարդիոլայի ղեկավարությամբ խաղացել է 2015/16 թթ.-ի մրցաշրջանում: