Ավարտվեց 2019 թ-ի Դևիսի գավաթի խաղարկությունը: Մրցաշարի եզրափակիչ հատված հասել էր 18 հավաքական: Ռոջեր Ֆեդերերի Շվեյցարիան լավագույն 18-ի թվում չէր:
Ընտրանիները բաժանվեցին 6 խմբի՝ յուրաքանչյուրում 3-ական թիմ: Խմբերից փլեյ-օֆֆի ուղեգիր նվաճում էին առաջին տեղը զբաղեցրած թիմերը, ինչպես նաև 6 խմբի լավագույն երկրորդ արդյունք ունեցող 2 հավաքական:
Ի վերջո, լարված պայքարում խմբերում առաջին տեղերը գրավեցին Սերբիայի, Իսպանիայի, Գերմանիայի, Ավստրալիայի, Մեծ Բրիտանիայի ու Կանադայի հավաքականները: Լավագույն երկրորդ արդյունքները ցույց տվեցին Ռուսաստանն ու Արգենտինան: Գործող չեմպիոն Ֆրանսիան չկարողացավ խմբից դուրս գալ:
Քառորդ եզրափակչում ձևավորվեցին հետևյալ զույգերը՝ Սերբիա-Ռուսաստան, Ավստրալիա-Կանադա, Մեծ Բրիտանիա-Գերմանիա, Արգենտինա-Իսպանիա:
Առաջինը կիսաեզրափակիչ ուղեգիրը վիճարկեցին Ռուսաստանն ու Սերբիան : Մենախաղերում հաշիվը հավասար էր. Ջոկովիչը հաղթեց Խաչանովին, իսկ Ռուբլյովը առավելության հասավ Կրայինովիչի նկատմամբ: Ամեն ինչ որոշվեց զուգախաղում: Խաչանով-Ռուբլյով զույգը մրցեց Ջոկովիչ-Տրոիցկի զույգի հետ: Ռուսական զույգը, մեծ ջանքերի գնով, 3 սեթում հաղթեց ու նվաճեց կիսաեզրափակչի ուղեգիր:
Երկրորդ քառորդ եզրափակչում նույնպես թենիսիստները ստիպված էին անցկացնել զուգախաղ՝ հաղթողին որոշելու համար, քանի որ Դե Մինաուրը հաղթեց Շապովալովին, իսկ Պոսպիշիլը առավելության հասվ Միլմանի նկատմամբ: Զուգախաղում ավելի ուժեղ էին կանադացիները. վերջիններս 2 սեթի արդյունքում հաղթեցին ավստրալացիներին ու դուրս եկան կիսաեզրափակիչ:
Կիսաեզրափակչի երրորդ ուղեգիրը վիճարկեցին Մեծ Բրիտանիան ու Գերմանիան: Բրիտանացիները Էդմունդի ու Էվանսի հաղթանակների շնորհիվ նվաճեցին կիսաեզրափակչի ուղեգիր՝ առանց զուգախաղի:
Վերջին ուղեգիրը վիճարկեցին Արգենտինան ու Իսպանիան: Առաջինը պայքարի մեջ մտավ Պելլան ու պարտվեց Կարենո-Բուստային: Ընկերոջ պարտությունը ծածկելու եկավ Ռաֆայել Նադալն ու 2 սեթում հաղթեց Շվարցմանին՝ գործը հասցնելով զուգախաղի, որտեղ Նադալն ու Գրանոլերսը 3 սեթում հաղթեցին ու մտան կիսաեզրափակիչ:
Կիսաեզրափակչում կազմվեցին Ռուսաստան-Կանադա ու Մեծ Բրիտանիա-Իսպանիա զույգերը:
Առաջին խաղում Ռուբլյով կարողացավ հաղթել Պոսպիշիլին, բայց պարտվեց Խաչանովը: Հայազգի թենիսիստը միավորը զիջեց Շապովալովին: Զուգախաղում ավելի ուժեղ գտնվեցին բրիտանացիներն ու եզրափակչի առաջին մասնակիցը դարձան նրանք:
Լարված էր պայքարը նաև երկրորդ կիսաեզրափակչում: Առաջին խաղում Էդմունդը հաղթեց Լոպեսին: Կրկին օգնության հասավ Նադալ-փրկիչն ու 2 սեթում հաղթեց Էվանսին՝ կրկին գործը հասցնելով զուգախաղի: Զուգախաղում իսպանացիները խնդիրներ չունեցան ու նվաճեցին գլխավոր խաղի ուղեգիր:
Եզրափակչում ակնկալվում էր լարված պայքար, բայց կանադացիները լուրջ դիմադրություն ցույց չտվեցին: Բաուտիստա-Ագուտը 2-0 հաշվով հաղթեց Ալիասիմեին: Նույն հաշվով Նադալը հաղթեց Շապովալովին:
Իսպանիան, 2011 թ-ից ի վեր առաջին անգամ նվաճեց Դևիսի գավաթը: Իսպանիան նվաճած Դևիսի գավաթների թիվը հասցրեց 6-ի: Կանադան մոտ էր պատմության մեջ առաջին անգամ գավաթին տիրանալուն, սակայն չստացվեց:
