Բելգիայի Անտվերպեն քաղաքում ընթացող ATP 250 շարքի մրցաշարի եզրափակչի մասնակիցները հայտնի են։
Մրցաշարի չեմպիոնի համար պայքարում միմյանց դեմ մրցելու են Մեծ Սաղավարտի մրցաշարերի եռակի չեմպիոններ շոտլանդացի Էնդի Մարեյը և շվեյցարացի Ստեն Վավրինկան։ Հանդիպումը կայանալու է կիրակի՝ Երևանի ժամանակով 18։00-ին։
Կիսաեզրափակչում Մարեյը երեք սեթում հաղթել է Ուգո Ումբերին 3-6, 7-5, 6-2 հաշվով։ Վավրինկան էլ երկու սեթում առավելության է հասել իտալացի Յանիկ Սինների նկատմամբ 6-3, 6-2 հաշվով։
Էնդի Մարեյը կարիերայի ընթացքում երկու անգամ չեմպիոն է հռչակվել Ուիմբլդոնում, մեկ անգամ էլ US Open-ում։ Վավրինկան մեկական հաղթանակներ ունի Ավտրալիայի բաց առաջնությունում, Ռոլան Գարոսում և US Open-ում։