Իտալական «Ռոման» վերսկսել է մարզումները։
Հայաստանի հավաքականի ավագ, Հենրիխ Մխիթարյանը նույնպես վերադարձել է արձակուրդից և միացել թիմին:
Հիշեցնենք, որ հայ կիսապաշտպանը բաց կթողնի Հայաստանի հավաքականի առաջիկա հանդիպումները:
Հայաստանի հավաքականի գլխավոր մարզիչ Խոակին Կապառոսը, մեկնաբանելով հայտացուցակում ընդգրկված ֆուտբոլիստների ընտրությունը, ՀՖՖ պաշտոնական կայքի հետ զրույցում նշել է.
«Բնականաբար, բոլորին հետաքրքրում է, թե ինչու է ցուցակից բացակայում Հենրիխ Մխիթարյանիանունը: Իմ հետ հեռախոսազրույցում նա նշեց, որ այս պահի դրությամբ չի կարող միանալ հավաքականին, քանի որ վերջին հանդիպումն («Սևիլյայի» դեմ) անցկացրել է օգոստոսի 6-ին, այժմ արձակուրդում է, չի մարզվել լավ մարզավիճակում չէ: Հենրիխն ավելացրեց, որ այսպիսի վիճակում չի կարող ցուցադրել իր ողջ կարողությունները և խոստացավ հոկտեմբերին անպայման միանալ հավաքականին ու խաղալ 100 տոկոսանոց նվիրումով»:
https://twitter.com/OfficialASRoma/status/1299787664363749376?ref_src=twsrc%5Etfw%7Ctwcamp%5Etweetembed%7Ctwterm%5E1299787664363749376%7Ctwgr%5E393535353b636f6e74726f6c&ref_url=https%3A%2F%2Fsport.news.am%2Farm%2Fnews%2F114234%2Froman-veradardzel-e-ardzakurdic-mkhitaryany-versksel-e-marzumnery-foto.html
